|
South Africa West CoastPieter Pieterse: Swerwerskos - Perlemoen |
|
West Coast Explorer SA West Coast Information Accommodation Tours/Recreation West Coast Map Site Map Nature Reserves Fossil Park Sea Tales & Wrecks Floral Splendour Birdwatching Whale Watching Guriqua History Cuisine & Recipes St Helena Bay Velddrif/Laaiplek Property Links Letters/Posklip Weskus Stories Webdesign & Hosting West Coast R27 Route 27 West Coast Towns Off the Beaten Track Accommodation Eat Out List Arts & Crafts List Culture & History From Crayfish to Iron |
 Sê oompie Willie Nowers daar van Buffeljachts se wêreld, hy wat sy huis so op die puntste punt van die klip so half in die see in staangemaak het: "Geil, my bgoegtjie, Geil. Hu peglemoen? Die geilste kossie van die Kaap. Dan pgaat ek nie eegs van hiegie wêgeld se peglemoen nie. Giftig, sê ek vig jou". Hy vertel dat die oumense die badwater uitgegooi het as die seunskinders klaar gebad het. Die meisiekinders mag nie dieselfde water bad nie. Daar kan dalk net moeilikheid kom.
Perlemoen in foelieheel perlemoen foelie gerasperde cheddarkaas bykin, sampioene en botter suurlemoen chilli-FondorBou 'n toring, wat binne hol is, van 'n stuk foelie. Sit die heel perlemoen, steelkant onder, op 'n klont botter onder in die kelderverdieping. Nou suurlemoen en chilli-Fondor. Dan kaas, sampioene en nog botter. Heel bo - die bykin. Maak die toring bo toe, soos hulle die graansilo's toemaak as hulle vol is daar op Malmesbury waar Trix Pienaar Swartland se houlwhiet stukkend byt. Sit hom met respek in 'n oond of in 'n platboompot met 'n deksel of oor 'n baie stadige vuur. Los doodstil tot jy dink die bykinvelletjies bo-op is nou gaar. Dan is daardie perlemoentjie ook maar gaar. En as jy klaar geëet het, dan loop jy telefoon toe. Gaan bel daardie een en sê vir haar hoe jy voel en sy moet nou huis toe kom. Jy kan tog nie net oor jy gisteraand jou ring en jou kiekie wou terugvat, nou nog kwaad wees nie. 'n Man mag van opinie verander.
|
